dengue bukhaar macharoon se phelnay wali aam bemari hai aur Pakistan ke mukhtalif hisson mein har saal is ke mutadid cases samnay atay hain .
is bemari mein taiz bukhaar ke sath flow ( flu ) jaisi alamaat ka saamna hota hai .
Albata ziyada bemaar honay par jaryaan khoon aur mout ka khatrah barh jata hai .
abhi dengue ka koi ilaaj dastyab nahi balkay doctoron ki janib se is ki alamaat ki rokkk thaam ki jati hai .
ab aik dawa ko clinical trial mein is bemari ke ilaaj ke liye muaser daryaft kya gaya hai .
America mein tayyar ki gayi is dawa ki azmaish chand afraad par ki gayi thi .
johnson and johnson ne is dawa ko tayyar kya hai aur is ke trial ke liye 10 sehat mand afraad ki khidmaat haasil ki gayi theen jin ke jism mein dengue virus ko daakhil kya gaya tha .
jism mein virus daakhil karne se qabal un afraad ko 5 dinon tak dawa ki bohat ziyada miqdaar ka istemaal karaya gaya .
virus daakhil karne ke baad dawa ko 21 dinon tak istemaal karaya gaya .
mohqiqeen ke mutabiq 10 mein se 6 afraad ke khoon mein dengue virus daryaft nahi sun-hwa jabkay 85 din ki monitoring ke douran bhi virus ke infection ke assaar nahi miley .
unhon ne bataya ke tamam afraad ke jism mein virus ke kamzor version ko istemaal kya gaya tha .
mohqiqeen ki janib se clinical trial ke dosray marhalay par bhi kaam kya ja raha hai aur is mein dengue virus ki 4 mukhtalif aqsam ke khilaaf is dawa ki ifadiyat ko jancha ja raha hai .
dosray marhalay ke baad is dawa ki azmaish ilaaj ke tor par ki jaye gi .
mohqiqeen ne bataya ke yeh dawa 2 vayrl protein ko bock karkay virus ko apni naqool bananay se rokti hai aur trial mein shaamil afraad mein yeh mehfooz saabit hui .
magar barray pemanay par is dawa ke istemaal mein kaafi waqt darkaar hoga aur mohqiqeen ke mutabiq abhi hum ibtidayi daur se guzar rahay hain .